روايه غيره حماتى الفصل الاول بقلم رويدا عرفه

بسم الله الرحمن الرحيم
غيرة حماتى
بقلم رويدا عرفه
الفصل الاول
أنا أسمى ريهام كنت مخطوبه ليوسف وكنت بحبه اووى 
بس أمه لما كانت بتيجى عندنا في البيت كنت بحسها مش طايقنى ولما كنت بقول
ريهام__ يوسف انا حاسه ان امك مش طايقانى ليه
يوسف__ ليه بتقولى كده يا حبيبتي دى بتحبك اووى وهيا اللى بتقولى كده
ريهام __ اصل لما بتيجى عندنا بقولها تشربى ايه يا طنط تقول ليا مش عايزه حاجه وبتقولها ليه بقرف

يوسف__ لا يا حبيبتي ممكن يكون بيتهيئلك
ريهام__ ممكن يا حبيبي برضو
وبعد كده اتجوزت انا ويوسف ومن هنا تبدأ حكايتى 
بقلم رويدا عرفه
يوسف__ صباحيه مباركه يا عروسه
ريهام__ الله يبارك فيك يا حبيبي
يوسف__ اخيرا في باب اتقفل علينا يا حبيبتي
ريهام__ اه يا حبيبي لحظه اقوم احضر ليك الفطار
يوسف__ ماشى يا حبيبتي متتأخريش عليا
ولسه ريهام هتدخل المطبخ والباب يخبط
ريهام__ يا ترى مين اللي جاي على الصبح كده شوف مين على الباب يا يوسف
يوسف__ حاضر يا حبيبتي
وبيفتح الباب يلاقى أمه
يوسف __ اتفضلى يا ماما
حماتى__ ماشى يا حبيبي
وبتدخل الام
ريهام__ مين يا يوسف
يوسف __ دى ماما يا حبيبتي
ريهام__ بتطلع تسلم على حماتها
ريهام__ ازيك يا ماما تعالى نورتى
حماتة __ ما انا عارفه يا حبيبتي مش محتاجه رائيك
ريهام__ ماشى يا حبيبتي متمشيش عشان تفطرى معانا
حماتى __ ما انا كده كده قاعده مش بيت ابنى
ريهام__ طبعا يا ماما وبيتك انتى كمان
حماتى__ شاطره يا حبيبتي
يوسف__ واقف مخڼوق من كلام أمه بس مينفعش يزعلها
وريهام__ بتدخل المطبخ وبعد ما تخلص
ريهام__ يلا الفطار جاهز
وبيقعدو ياكلو
يوسف__ تسلم ايدك يا حبيبتي
ريهام__ بألف هنا يا حبيبي
حماتى__ على ايه دا حتى اكلها مش حلو وحادق
يوسف__ ليه يا ماما ما طعمه حلو
حماتى__ حلو مين بس دا أنا اكلى أحسن منها ميه مره مش كده يا يوسف
يوسف__ اه طبعا يا ماما
ريهام __ بتدايق وتقوم تدخل اوضتها
يوسف__ بعد اذنك يا ماما دقيقة وجاى
حماتى__ خد هنا أنت رايح وراها عشان تصالحها
يوسف__ يا ماما ريهام كويسه وبتحبك
حماتى__ بقولك ايه يا واد انت لازم ليها القطه مينفعش طريقتك دى معاها هتعلمها الدلع من أول يوم
يوسف__ ريهام مش زى ما انتي فاهمه يا ماما ريهام كويسه
حماتى__ خليك كده خيبان
يوسف__ حاضر يا ماما
ويعدى أسبوع والوضع زى ما هو أمه كل يوم قاعدة معنا بتيجى في الصبح وبتروح باليل على النوم
وفي يوم من الايام يوسف راح الشغل
ريهام__ بعد اذنك يا ماما أنا هدخل المطبخ
حماتى__ هتعملى ايه في المطبخ
ريهام__ هحضر ليوسف الغدا
حماتى__ لا يا حبيبتي متعمليش انتى الغدا انا اللى هعمله لابنى
ريهام__ خليكى مرتاحه يا ماما أنا هعمل انا
حماتى__ لا يا حبيبتي ابنى بيحب ياكل من ايدى
ريهام__ هو اللى قال ليكى كده
حماتى__ لا يا حبيبتي بس انا عارفه ابنى بيحب ايه
ريهام__ ما انا كمان عارفه بيحب ايه
حماتى__ وانا قولتلك لا