روايه ظلم اخواتى الفصل الأول والثاني والثالث بقلم الكاتبه رويدا عرفه

بسم الله الرحمن الرحيم
ظلم اخواتى 
بقلم رويدا عرفه
الفصل الأول
أنا أسمى منى عمرى 25سنه عندين اخين خالد ومحسن 
وامى وابويا احنا عايشين في بلد صعيدي واخواتى ضغطو على بابا وجوزنى واحد كبير في السن وخدو ورثى
ومن هنا تبدأ حكايتى
الام __منى يا حبيبتي صحى ابوكى ويلا عشان تفطرى
منى __ حاضر يا ماما
منى بتدخل عند ابوها 

منى __ بابا اصحى يا حبيبي عشان تفطر
الاب__ صباح الخير يا نور عيونى
منى __ يسعد صباحك يا قلبى
يلا قوم افطر معانا
الأم __ محسن يا حبيبي هات اخوك وتعال أفطر
خالد __ صباح الخير يا حج
الاب__ صباح النور يا حبيبي
محسن __ بيقعد من غير ما يتكلم
منى __ايه يا عم مفيش حتى صباح الخير
محسن __ وانتى مالك انتى 
الأم __ مالك يا حبيبي اختك بتهزر معاك
محسن __ مش عايز كلام كتير على الصبح
الاب __ خلاص اقعدو افطرو وانتو ساكتين
وبعد الفطار
منى __ بابا بقولك ايه
الاب__ عايزه ايه يا حبيبتي
منى __ انا قررت افتح العياده هنا فى بلدنا عشان اساعد الناس الغلابه
الاب__ جدعه يا منى لازم فعلا نحس بغيرنا
منى __ بس كنت محتاجه منك فلوس اكمل على اللى معايا
الاب __ عينيا ليكى يا حبيبتي اللى انتى عايزاه
خالد __ انت هتفضل مدلعها كده كتير
الاب__ اختك الصغيرة يا حبيبي
خالد __ مش كل حاجه تسمع كلامها وتنفذها ليها
الاب__ يا خالد يا ابنى اختك ملهاش حد غيرنا وهيا مبتعملش حاجه غلط 
محسن __ انت كده على طول كل حاجه بتديها لمنى واحنا فين
الاب __ انا عمرى حوشت عنك حاجة يا محسن
محسن __ اه انت بتفرق مفيش فى البيت دا غير منى منى
إلام__ فيه ايه يا محسن انت عارف ان ابوك عمره ما يفرق بينكم صح ولا لأ ولا أنت ولا اخوك
منى __ خلاص يا بابا انا مش عايزه حاجه
الاب__ لا يا حبيبتي متقوليش كده
منى __ لا انا محبش اخواتى يكونو زعلانين منى في حاجه
الأم __ شايفين اختكم بتحبكم ازاى وبتيجى على نفسها عشان تراضيكم
خالد __ منى بقولك ايه متعمليش فيها حنينه
منى __ كده يا خالد بتقولى كده أنا بعمل نفسي حنينه زعلت وقالت
بعد اذنكم وقامت طلعت اوضتها
الاب__ انتو استحاله تكونو عيالى 
ليه بتعملو مع أختكم كده
محسن __ ليه بتقول كده يا بابا عشان بنقولك متفرقش بينا
الاب__ انا عمرى ما افرق يا حبايبي ما بينكم
المفروض أللى انا معملوش لاختكم انتو تعملوه لازم تكونو سندها مش تقفو في وشها
الأم __ خلاص يا ابو خالد اهدى يا حبيبي هما ميقصدوش كده
وبيطلع الأب عند منى
الاب__ بيخبط على الباب
منى __ اتفضل تعال يا بابا
الاب__متزعليش من اخواتك يا حبيبتي هما ميقصدوش
منى __ لا مش زعلانه يا بابا دول حبايبى
الأب __ ربنا يكملك بعقلك يا حبيبتي ويبوسها
منى __ ربنا ما يحرمنا منك ويديك طوله العمر يا حبيبي
في المساء
خالد __ يا بابا انا كنت عايزك في موضوع
الاب__ اتفضل يا حبيبي قول
خالد __ انا كنت عايز اتجوز
الأب __ معقول يا حبيبي دا يوم المنى اللى تتجوز فيه واشوف عيالك
خالد __ يبقى تيجي معايا تخطبهالى
الاب__ ماشى يا حبيبي مين هيا
خالد __ زينه بنت عبد السميع
الاب__ ملقتش غير بنت الرجل دى يا ولدي
خالد __ ماله بس يا بابا
الاب__ دا راجل ظالم يا بنى ومستغل
خالد __ انا هاخد بنته هو انا هتجوزه هو بعدين يا بابا دا عنده اراضي وفلوس كتير
الاب__ يعنى عايز تتجوزها عشان فلوس ابوها
خالد __ لا لا مش كده يا بابا انا عايزاها هيا
الأب __ حاضر يا حبيبي بكره هروح