زوجه صديقي
روايه زوجه صديقي الفصل الثالث
زوجة صديقي
الجزء الثالث
كنت بقولكم هنشوف إذا كانت الست دي بتكذب ولا لاء وطبعا انا من خبرتي متاكد انها هتكذب او تتجمل حيث ينطبق علي اغلب النساء مبدئ انا لا أكذب ولكني اتجمل!!
فأنا بادرت معاها بالكلام وعرفتها اني غني بالطريقه بتاعتي واكيد هيه الوقت هاتعاملني بشياكه اكتر لاني انا اللي بختار طريقه المعامله وبالفعل بدأت ترتاح معايه وحسيت كده اول ماركبت العربيه معاها
وبعدين لقتها بتجر ناعم وبتقولي ماتزعلش مني لاني فعلا لما رميت عليك السېجاره مكنتش واخده بالي أن في حد معدي الطريق..وبعدين حبيت اعتذر لك معرفتش عشان العربيات اللي كانت ورايه
قولتلها وانا مبسوط والغمازات اللي في وشي بتظهر لما ببتسم وانا عارف ان مااجتمع رجل وامراه الا وكان الشيطان ثالثهما
وانا كنت بحاول انده علي الشيطان عشان يحضر هذا اللقاء كي يتعلم مني فن الاغواء
قولتلها انا بصراحه اليوم بتاعي النهارده مفيش فيه اي حاجه حلوه خالص من أوله وكل الامور ماشيه عكس الاتجاه والوقت ده بس وفي اللحظه دي بالتحديد..وانا ببص في عينيها من جوه
قولت في الوقت بس ده وفي اللحظه دي حسيت أن ربنا كان مخبي ليه حاجه حلوه اوي وفهمت أن اراده ربنا اني اشوفك انتي النهارده وصدقيني الوقت بس وفي اللحظه دي انا اتاكدت أنها مش اول مره اشوفك ولو مش مصدقه انا ممكن اقولك شوفتك فين كمان بس مش هقولك فين دي دالوقت الا لما تتحايلي عليه شويه،،، وبعدين ابتسمت لها،، وهيه ابتسمت ،،
قولتلها علي فكره انا مش متجوز وكمان مش بسرح بيكي ومستعد اكتب عليكي الوقت حالا لو موافقه...ونروح علي المأذون فورا..إنما فين دي مفاجاه
وهنا كانت أول كدبه منها مش قولتلكم الست دي كذابه
قالتلي معقوله اللي بتقوله ده انت لسه شايفني من خمس دقائق وعاوز تتجوزني
ضحكت وقولتلها ودي هاتكون اسعد لحظه في حياتي صدقيني انا مش ببالغ انا شوفتك كتير اوي واعرفك كويس اوي واعرف عنك كل حاجه
وفي اللحظه دي تليفوني رن وكانت شايفه التليفون ادامها وشافت أن اللي بتتصل بيه بنت
