حمل بالتراضي
رواية حمل بالتراضي الفصل التاسع والعاشر والحادي عشر رانيا ابو خديجه
المحتويات
.. فتحت الباب وخرجت
وقفلته ورايا.. الله ريحة الهوى تجنن فضلت اتمشى كتير قوي لحد ما وصلت للترعة اللي وقعت فيها قبل كدة.... بصيت عليها وعلى الاشجار اللي حواليها من بعيد خۏفت أقرب الصراحة من بعد اللي حصل... بس عديت للبر التاني ومشيت كتير .. بقيت المس الزرع طول ما أنا ماشيه ...ملمسه و قطرات الندى علية شئ في غاية الراحة والجمال كنت ماشية ومبتسمة كنت فعلا مبسوطة قوي .. قابلتني المكنة الصغيرة اللي بتطلع ميا اللي مريم قالتلي عليها طرمبة .. بصيت حواليا ملقتش حد الا واحد بعيد ماشي بالحمار بتاعة .. كان نفسي قوي اشغلها زي ما مريم كانت بتعمل .. مسكت الايد بتاعتها و بقيت احركها لفوق ولتحت زيها .. الله بقت تنزل ميا انا مبسوطة بجد .. مديت ايدي وشربت منها زي ما شوفت واحدة بتعمل قبل كدة .. طعم مېتها مختلف بس حلو قوي... مشيت تاني كتير.. ايه دة انا بعدت عن البيت قوي ... وكمان اتاخرت لأ لازم أرجع احسن احمد يصحى ويقلق عليا ..بس حسيت اني مش عارفه ارجع هو انا عديت الترعة يبقى المفروض ارجع كل دة واعديها و لا اكمل في وشي ولا ادخل هنا ولا اعمل ايه !!.
_ بقولك لو سمحت ... هو انا لو عايزة اعدي الترعة زي ما جيت المفروض امشي ازاي !
الټفت بصلي ... ايه دة هو انت !!!
سيرين دلوقتي ايه دة في مصېبة الله انا بحب المصېبه
يا ترى ايه اللي هيجرا للحجة اللي مش عايزة تتهد دي !
واحمد هيعمل ايه ومين الغتت اللي مش عاجبة الفلاحين دة!
و هي كدة خلاص بقت مراتة فعلا فهتعمل معاه ايه
توقعاتكوا معايا كدة وتفاااااااعل بقااااا قراءة ممتعة يا اجمل قرااااااااء ..... رانيا ابو خديجة
حمل_بالتراضي
اخر_امل
رانيا_ابو_خديجة
رواية حمل بالتراضي الفصل العاشر
حمل_بالتراضي
رانيا_ابو_خديجة
حسيت بفراغ رهيب من وقت ما سابت حضڼي .. مديت ايدي اشدها كالعادة كل مرة تبعد فيها .. انا عارف نومها غبي ومش بتبطل تبعد وتفرك وهي نايمة... بس لقيت فراغ تحت ايدي...فتحت عيني بالعافيه لقيتها مش جنبي ... ايه دة دي مش في الأوضة كلها .. من ليلة الفرح وهي مش بتطلع من غيري و كمان بتتكسف تنزل من غيري .. اشمعنى النهاردة نزلت تحت وسابتني نايم
_ ريم ... ريم ...
_ هممممم
_ ريم اصحي ... وقوليلي ..فين سيرين !
_ سيرين!!!! ... معرفش ... مش هي معاك فوق
رديت وانا بخرج من الاوضه
_ لأ... صحيت من النوم ملقتهااش
فتحت اوضة امي ودخلت .. لقيتها بتصلي
_ السلام عليكم ورحمه الله وبركاته... السلام عليكم ورحمه الله وبركاته.
_ تقبل الله يا امي .. بقولك مشوفتيش سيرين النهاردة
_ لا يا احمد ... دة انا لسه صاحيه اهو كنت نايمة سطيحة يا ابني حتى محستش بالفجر.
_ طب استنى يا احمد رايح فين ... خلينا نيجي معاك.
_ لأ لا خليكوا انتوا وانا هشوفها ... اكيد لو خرجت مبعدتش عن هنا .
................................
_ اية دة ..انت!
_ يا احلى صباح واحلى صدفة من غير معاد ... دة احنا لو كنا متفقين مكناش هنعرف نظبطها كدة .
سبتة يهرتل بكلامة دة والټفت امشي زي ما كنت ماشية وخلاص.
_ استني بس انتي رايحه فين.... دة انا ما صدقت شوفتك تاااني والله.
_ اية دة ابعد ايدك عني ومتلمسنيش ... وياريت تسيبني امشي احسنلك.
_ طب خلاص اسف ... بس قوليلي بتعملي اية لواحدك هنا كدة في وقت زي دة ... وشكلك تايهة كمان .. ولا الفلاح دة
متابعة القراءة
- بنت
- جواز
- حامل
- مال
- الشركة
- زوج
- رواية
- تخلص
- الناس
- اخوات
- فرح
- الأخ
- مرض
- النوم
- مصر
- الأب
- البنات
- راجل
- احمد
- خديجة
- وعي
- مشكله
- فون
- دموع
- شقة
- السر
- الأوضة
- أصول
- الشقة
- الحمام
- حازم
- ماما
- بقلم
- بنات
- على
- الجمال
- النوم
- كتاب
- الجبنة
- الدم
- العمر
- افلام
- قطر
- الغضب
- اسبوع
- نفط
- الحمام
- أحد
- اسم
- تعز
- غراب
- مختلفه
- الاخض
- المخ
- غسل
- الحلوة
- روايه
- خبز
