حمل بالتراضي

رواية حمل بالتراضي الفصل الرابع عشر والخامس عشر

الثلاثاء 02/يناير/2024 - 06:05 م

يوم ما عرفك وهو ما بيعملش حاجه غير انه تاعبني معاك و بيشدني ليك زيادة ... انا بحبك يا احمد وحاسه ان هيجرالي حاجه لو مش قولتلك كدة .
لقيتة برضه ساكت وباصصلي وبعدين فاجاة قام وبدء يقرب مني براحة
_ احمد ...
بعدت لحد ما روحت مكاني وانا مبتسمة بقلق من نظرته دي
_ احمد في ايه ...
لقيته فاجأة بقى فوقي ووشة بقى قريب من وشى واتكلم بهمس

_ انتي قولتي انك بتحبيني !!
حطيت ايدي الاتنين على صدره المتلج دة واتكلمت بكسوف لاول مرة احسه معاه بالشكل دة
_ اه .. قولت
_ ايوا قولتي ايه!!!
_ بحبك وصراحة مش عايزة نطلق حتى بعد ما يبقى معانا كذا بيبي .
واخيرااا سيرين اعترفت وخلصتناااا يا فرررج الله
يا ترى هيكون ردة عليها ايه غير اللي في بالكوا يعني
وياترى هيوافق ياخد اخر فلوس معاها ويعمل بيها مشروعه ولا لأ!!

عايزة اقولكوااا ركزوااا قوووي الايام اللي جايه عشااااان احداثها هتبقى كتييير و مشوووقه وان شاء الله ممتعة كماااان .... اما نشوف احمد الحنين الرومانسي دة وهو بسيط كدة ... لو سمع كلامها وبقى معاااه فلوس يا ترااا رومانسيتة هيبقى شكلها ايه بقااا !!
متنسوش رايكواااا في البارت والتفاااااعل وتشجيييع بقااا ... قراءه ممتعة يا قمرااااتي

حمل_بالتراضي
اخر_امل
رانيا_ابو_خديجة

الفصل الخامس عشر
حمل_بالتراضي
رانيا_أبو_خديجة
_ لأ مش هتنزل .. وبعدين انت لسة تعبان وضهرك وجعك .
_ مينفعش ماروحش انا قايل للناس هكون عندهم الساعه ٧ مينفعش مروحش فاجأة كدة.
_ الكلام دة لما يكون دة شغلك فعلا فتحافظ علية لكن انت مش هتروح تاني اصلا.
_ قولتلك مينفعش مروحش ..
وبعدين اتنهد وقالي بصوت واطي مغلوب علية الامر

_ البيت مفيهوش فلوس وكلها شوية وهحتاج ابعت لامي المبلغ اللي ببعتهولها كل شهر ومش عايزها تحس ان فيه حاجه او اني اترفدت من الشغل لتاني مرة.
بعدت عن الباب وروحتلة
_ طب ما توافق عاللي قولتهولك امبارح.
_ ربنا يسهل ... نشوف بس علاجك ومصاريفة وبعدين ربنا يعدلها.
_ ما هو ربنا هيعدلها لما نسعى ونفكر صح !!!
بصلي كدة وكأنه محتار في تفكيره

_ اوووف ... يا احمد انت زهقتني من امبارح عمالة بقولك واقنع فيك بقى.
وسبتة وروحت قعدت وانا مقموصة بزعل وحطى ايدي على خدي
جه وقعد جنبي وسكت شوية وبعدين قالي
_ مبتتعلميش من اخطائك ابدا .
رفعت وشي ابصله
_ قصدك ايه !
شدني من ايدي براحة وقعدني بين رجليه عالكنبه
_ دلوقتي بالطيابة دي كلها في ناس سرقتك قبل كدة و واتخزلتي منهم مرة ليه بقى منتعلمش ويبقى فيه شويه حرص صغننين كدة !

رفعت وشي ابصلة روايات رانيا أبو خديجة
_ يا احمد انت مش زي حد ... انا عاشرتك و عرفتك ...وبحبك .
لقيت ابتسامة زي الشمس اما بتطلع في جمالها شقت وشه وبصلي شويه بعدين حط ايدة الاتنين تحت ركبتي وضهري ورفعني قعدني على رجله و بص في عيوني شويه بالابتسامة دي
_ انتي بقى كنتي بتقولي ايه امبارح قبل ما ننام
ابتسمت
_ كنت بقول ايه...مش فاكره.. فكرني.
عدلني على رجلة اكتر و همس
_ كنتي بتقولي انك مش عايزة تطلقي حتى لو بقى عندنا عيال كتير وانك...
_ بحبك ..
ابتسامتة زادت جمال لقيت ان دة الوقت المناسب اني اسألة السؤال اللي مجنني من وقت ما قولتلة اللي جوايا امبارح واللي حاسة بية من ناحيتة
_ احمد ... انت مش رديت
_ على ايه يا عيون احمد
_ على كلامي دة
_ موضوع المكتب والمشروع يعني
هزيت راسي بمعنى لأ.. وبعدين قربت من ودنه وقولت بكسوف شويه
_ اني مش عايزة اطلق .. واني .. اني بحبك قوي كدة ومش هينفع اسيبك ..
بصلي شويه
_ طب انتي عارفه لو كنتي سبتيني وطلبتي الطلاق بعد ما تجيبي الطفل اللي اتجوزنا عشانه انا كان ممكن يجرالي ايه !
_ ايه!
_ كنت هندم كل يوم اني وافقتك وتممنا جوازنا وبقيتي ام لان دة اللي كان هيخليكي تبقي وصلتي للي عايزاة وتبعدي .
_ يعني انا مش هبقى حمل عليك زيادة ودبستك فيا.
ضمني ليه اكتر
_ احلي تدبيسة في الدنيااااا
بعدت عنه وانا بضحك وقومت من على رجلة
_ طيب لو فعلا عايز نكمل حياتنا سوا و نجيب اطفال كتير يبقوا ولادنا ونربيهم كويس..لازم تحسن من ظروفنا .
قام هو كمان و قرب وقالي بهمس حسيتة فرحان
_ هو احنا هيبقى عندنا اطفال كتير بجد مش طفل واحد ... وهيعيشوا وسطنا ونبقى مع بعض
_ ايوا والله انا نفسي في كدة قوي ... بس عشان خاطري اسمع كلامي وخد الفلوس وابدء بيها.
_ لو كان عالرزق و ازاي هنجيب ولاد وانا حالتي كدة فمتقلقيش انا من النهاردة لأ من دلوقتي حالا هعمل المستحيل عشان امن لهم مستقبلهم وييجوا يلاقوا الدنيا مرتاحة عن كدة.
_ يا احمد ما انت حاولت كتير وطول الوقت بتدور وتحاول ومفيش جديد..عارف ليه عشان محدش بيساعد حد