حمل بالتراضي
رواية حمل بالتراضي الفصل الثاني والعشرين
المحتويات
وكأنه مش مصدق اللي بيسمعة .. ايوا بما انه واضح انه عرف وكلامة كلة واضح انه عن الشراكة اللي حصلت بيني وبين احمد يبقى كلة عالمكشوف بقى
_ انتي ...انتي جبتي كل الشړ و الحقارة دي منين ...دة انا اخوكي ..دة احنا اهلك يا وا.......
_ البركة فيكم انتوا اللي علمتوني ... وانا وأحمد هنتجوز واعيش معاه بعيد.. بعيد عن قرافكوا دة خالص
قال اخر كلامة وهو بيرمي كل اللي عالمكتب في وشي وجاي اتجاهي بسرعة ... اول مره احس اني خاېفه من شريف ومن رد فعلة
_ وهو الشراكة بتقول انك تتنازليلة عن الشركة كلها يا مختلة!
_ محصلش ... احنا اتشاركنا وتم دمج الشركتين مع بعض
_ ضحك عليكي وبيعك كل اللي حيلتنا ... يا اهبل خلق الله
حاولت اسلك شعري من ايدة بالعافيه
_ محصلش ... واللي وصلك الكلام دة غبي ...سيبني بقى سيبني
مسك الورقة تاني وحطها قدام وشي
_ اقري دي كدة .... مش دي امضتك ...ردي!!!
ايه دة!!! مش ...مش دي الورقة اللي انا مضيت عليها ...مش دي
لسه كنت هلتفت واكلمة ...لقيت اللي بيهزني جامد لدرجة اختل توازني وحسيت هقع
وفاجأة زقني بكل عصبية وڠضب على شباك المكتب
_ ااااااااااااه !!!!!!!
محستش بنفسي الا وجسمي كلة خارج شباك المكتب وبحاول اتشعلق بايدي في طرف الشباك
_ ااااااه... الحقني يا شريف
بصلي وعيونة كلها ړعب وفاجأة لقيتة بص وراة برعشه وخوف لما سمع خبطة عالباب وبعدين اتفتح
وقفت عربيتي قدام الشركة وطلعت... خلاص هانت ...هي خطوة واحدة وكل حاجة هترجع لسرين وبشكل رسمي كمان ...واكون انا بقى ارتحت وفشيت غليلي من الحيوان التاني دة
اخيرا وصلت المكتب ... ملقتش السكرتير ... كنت هقعد لحد ما ييجي ويقولي اذا كانت موجودة ويبلغها بوجودي ولا ايه ...بس فاجأة سمعت اصوات تشبة اصوات الصړيخ خارجة من أوضة مكتبها ... قربت من باب المكتب اتأكد ان الاصوات طالعة منه فعلا .... بعدين حطيت ايدي على اوكرة المكتب وفتحته .....
صحيت من النوم وانا حاسة اني مش طبيعيه... في حاجة غلط بتحصل ... انا حاسة
بصيت في الساعة جنبي لقيتها لسة داخلة على تمانية ولقيت ورقة جنبها
_ صباح الخير... لو حصل وصحيتي قبل ما أوصل هتلاقي فطارك جاهز في المطبخ وجرعة العلاج كلها موجودة جنبة ... بس ان شاء الله مش هتأخر عليكي و ساعة بالكتير وهتلاقيني عندك و..
_ اااه ... يا احمد انت فين بس... ااااه ....
شيلت الغطا من عليا وقومت واول ما قومت من السرير ..
_ ايه دة!!!! ايه كل الميا دي ... دة معناه ايه دة!!!!
لقيت ميا غرقتني فاجأة وكأن حنفية واتفتحت ... حاسة ان نفسي بيروح ... مش قادرة اتنقل خطوة من مكاني
مسكت تليفوني وانا حطة ايدي على بطني من الۏجع والخبط الغريب اللي ضهري وبطني وحاولت اتصل بيه او ابعتلة رسالة ييجي يلحقني مش قادرة حتى اتكلم ..
...........
فتحت الباب ودخلت... لقيت اللي واقف عند الشباك وبيلتفتلي
_ شريف!!!!!
أقل من لحظة وكان حاطط حاجة على وشة و زقني من قدام الباب ونزل جري .... كنت هنزل وراه .... ازاي دة هنا دلوقتي وازاي جة هنا وخرج
متابعة القراءة
