روايه كامله
فوقت من شرودي على كلامها وكانت بترد على صاحبتها رد غريب جدًا وتقريبًا كدا كانت بتقولها إن في واحد بيحبها من زمان وعاوزها وبيتمناها لحد دلوقتي، ليه متتطلقش وتتجوزه على الأقل هيقدرها.. ردت مراتي وقالت:
انا ممكن أفكر في كلامك ده بعد الطلاق، لكن طول ما هو لسه زوجي يبقى تفكيري يكون فيه هو بس، عشان الست اللي ما بتبصش غير لجوزها دي ليها وصف جميل جدًا عند ربنا.
ودي صفة من صفات نساء أهل الجنة زي ما ربنا قال:
{ و عندهم قاصرات الطرف عِين}
محستش برجلي غير وهي بتجري جوا الأوضة، خدت الموبايل منها ورميته على السرير وحضنتها.. مسحت دموعها وقعدت أبوس رأسها وأقولها حقك عليا انا كنت غلط.. أوعي غلاوتي في قلبك تنقص أو تقل، انتي حاجة نضيفة جدًا مش هعرف أعوضها تاني!
مسكت فيا واڼهارت في العياط وكأنها بتقولي:
انت حسستني إني أوحش ست في الدنيا.
كنت عارف إن الموجوع بياخد وقت، المصالحة مش بتضيع الۏجع في نفس اللحظة، فقررت أثبتلها إنها مَلكة، بقينا كل ما نخرج مشوار ولبسها يعيق مشيتها كنت أشد حمزة وأمسكه في ايدي عشان تمشي شامخة، لما كنا نتأخر على عزومة عائلية ويسألوني اتأخرت ليه أقولهم: " أصل نقابها كان لازم يتلف لفة حلويات وأغمزلها "
وعمري ما هنسى اليوم اللي موبايلي رن فيه، وكان مدير المدرسة وهو بيقولي:
" ياريت تشرفنا لإن ابنك طلع الأول على مستوى المحافظة "
القرآن بيزرع جوا طفلك الذكاء مش بيقلله!
لو عاوز تخليه شاطر في باقي المواد حفظه قرآن.
ربنا مش هيحاسبنا على الموضة، ربنا هيحاسبنا على الدين.
دين ربنا مناسب لكل عصر وكل زمن.
لا تعارض مع دين ربنا والعلم لإنهم الإتنين واحد ❤
لو كل شخص حاول يغير تفكيره عشان يحافظ على شريك حياته كان زمان بيوتنا بقت عمرانة ومفيهاش شتات وطلاق ❤
حافظوا على بيوتكم فإن خرابها ليس بهين ❤🌻..
عزة العمروسي
