روايه رائعه للكاتبه مريم سمير
انت احمد مش سعيد!
قفل في وشي تاني هو في أي بجد هزاري تقيل علي قلبه ولا ايييي
_ لو قلشتي قلشه تانيه يمريم انتي مش عارفة أنا ممكن اعمل ايييي
حاكم اقوم مدياني حقنة هوا واخلص من القرف دا
_ هستناكي علي الغدا في المطعم الي علي البحر
هفكر
_ أي الجحود دا يختي انتي غرمانة حاجة انتي عندك حاجة تخسريها اصلا
_ مستنيكي بقي طب والله فرصه حلوة مطعم حلو واد حليوة عاوزة أي اكتر من كده
اقفل عشان النرجسي الي جواك بدأ يطلع
قفل وانا بضحك رجعت كملت شغلي وخلصت علي العصر غيرت ولبست الدريس وطلعت خدت اوبر وروحت
امممم امممم اشجيني اشجيني
_ اييي معجبكيش الورد
مش طافحة فراشات تاني يقلبي
_ خدت الصتمة بقي اني انا خدت الصتمة
_ تاكلي أي الاول
أي حاجة اطلب علي زوقك
طلب استيك وكلنا وبعدها شربنا قهوة كان بيلطف الجو ب أي كلمة بس انا بقفل عليه ب قلشي ف بيسكت في أي والله
_ بصي دوغري ومن ابو آخر أنا عاوز اخطبك
نعم نعم تخطب مين انت لسه عارفني امبارح ومتعرفش أي حاجة عني
أنا الفترة دي اصعب فترة بمر بيها انت ملكش ذنب تستحملني
_ وافقي وانا هساعدك تنسي وتتخطيهم كمان
انت بتعمل كده لي أي يجبرك علي كده
_ عشان بحبك يمريم
لما كنت بسمعها زمان من عبدالله كنت بحسها تقضيه واجب لما اكون بس زعلانه وجايبه أخري كان بيقولهالي عشان اتصالح بس عمري ما بصيت في عينه وحسيت أنه بيحبني بجد لما يقولها كان دايما وشه في الفون أنا حسيتها دلوقتي ولا يمكن عنيه بتكدب
_ قولي استر يا رب
لو حسيت انى مش مرتاحة هقول وساعتها كل واحد يروح لحاله
_ وانا من نفسي لو حسيت كده هبعد عشان اهم حاجة عندي راحتك
طيب أنا هروح بقي
_ قولي ل حمايا وحماتي اني جاي مع الحاج والحجة بقي
النهارده
_ دا كمان شويه يلا اوصلك عشان نلحق نجهز
وصلني وطلعت قولت لماما اول مرة اشوف ماما فرحانة كده! هو عشان كنت بطفش كل العرسان تزغرط عشرين مرة دخلت اجهز ولبست احلي دريس عندي ميكب بسيط هيلز مريح وخلاص جهزت بنت لذيذه .
واتفقوا مع بابا قرأنا فاتحة واتفقنا أننا نعمل خطوبة علي الضيق بين العيلتين بس عملنا الخطوبة بعدها بيومين الغريبة اني كنت مرتاحة! مكنش بيعترض علي اي حاجة عوزاها فستان ميكب المهم زي ما قالي ابقي مرتاحة .
_ امك عسل اوييي كانت عاوزة تقول في ميكروفون الجامع اننا اتخطبنا
يوه علي ماما وهزارها دي زعلانه خالص بجد اني
_ اه مهي اشترت القلل قدامي بصي أنا هاخد النعمة الي مش مقدرينها
طب تصبح على خير بقي عشان عندي شغل
_ تخلصي بدري عشان معزوم علي الغدا عندكم
مين الي عزمك
_ حماتي سر حياتي والله
أنا امي لي بتقولي الحاجة بالصدفة قفلت معاه ونمت وصحيت فطرت بسرعة ونزلت علي الشغل خلصت ورجعت البيت لقيته قاعد في الصالة
يتري الخدمة عاجبه حضرتك
_ خمس نجوم يبنتي والله امك هرياني عصاير وحلويات لحد ما تيجي
ماما!!! انتي بتعامليه احسن مني لي
انتي مين يحبيبتي
اصلا
كان طيب اوييي جدع معايا دمه خفيف عصبي لما يغير بس بقي اعز صاحب عندي ساعات كتير كنت بنسي أنه خطيبي كنا بنتعامل مع بعض ك عيال صغيرة مع اننا قدام الناس بنظهر وكأننا ناضجين مكنش بيشوف أي حاجة بعملها قليلة بالعكس كان اكتر حد بيشجعني ولما اتعب من الشغل أو احس اني مش عاوزة اكمل كان الايد الي بتزقني لقدام كان دايما عاوزني ناجحة كان بيصلح حاجات هو ملوش علاقه ب كسرها .
_ اطلعي غيري بدل ما اقلبنا لو سوقت
مش مغيرة وسوق عشان اتأخرنا
_ اطلعي غيري يمريم بدل ما اتغابي عليكي
مش طالعة وأمور سي السيد دي متاكلش معايا
_ مش هقولها تاني اتفضلي
وانا قولت لاء
_ طب والله كده احلي شوفتي وشك نور ازاي
سوق وانت ساكت وملكش دعوة
روحنا فرح واحدة صحبتي شوفت عبدالله ومنة هناك بس مزعلتش! مع اني كنت متوقعة اني لما اشوفهم هرجع تاني ب حالتي زمان لكن اكتشفت ان كل دا كان هبل مش حب بجد أنا محستش ب حاجة بجد غير مع احمد .
_ اتضايقتي انك شوفتيهم
لاء والله ابدا
ركن ب العربيه _ يعني مزعلتيش متوترتيش مكنتيش عوزانا نمشي
لاء
_ انتي مرتاحة معايا يمريم هما اه ست شهور بس مش مدة قليلة بردو ف المدة دي كنتي مرتاحة
لو مكنتش مرتاحة كنت طلبت أننا نبعد
_ يعني اييي
يعني أنا مش عوزاك تبعد عني ابدا
غمز _ لييي بجد
مش عارفة احدد بصراحة يمكن عشان بحبك أو يمكن عشان ابقي اخد منك هدومك البراند الي من زارا و
_ مريم أنا خبيت عنك حاجة مهمة اوييي
اييي هي
_ أنا هدومي من الوكالة والتوحيد والنور
