مطلقه
مطلقه والسبب امي
بقينا نحكي لوقت اجا القرسون قلنا عفوا سار وقت تسكير المطعم ... كنا نسيانين حالنا طلبت من حيدر انو يوصلني وان شاء الله بنقعد مرة تانية ... وصلني حيدر للبيت . ومن فتت ارتاح حسيت براحة كبيرة اني فضفضت كل هالزعل من على قلبي ..بعد نص ساعة وصلتني رسالة من حيدر شو ياحلو بعدك فايق ذكرتني بكم شغلة نسيت قلك اياهن .. هادول العيون الحلوين مابدي شوفهن زعلانين تاني مرة ..شغلة تانية حيدر سار هلاء موجود ومارح يسمح لحد يبكيهن نامي وارتاحي ... حيدر سار هون
انا وقتها فرحت انو مارح كون وحدى راح يكون عندي سند راح اتباهى فيه قدام امي وطليقي راح متل ماكسروني راح اكون قوية .. رحت ع السوق واتسوقت احلى تياب واخد موعد مع الكوافير ..بعد ما جهزت رفضت الكوافير تخليني شوف حالي الا من يجي حيدر ياخدني .. ومن اجا حيدر يوصلني اتفااجأ وبقي عيونو عليه وهو متصفن ماعم يرفعهن ..
حيدر يانعمة الله على هالجمال فدوة للي خلقك سحرتي خلق الله ..
الكوافير صلي على النبي لتحسد عروستك .. انا وحيدر خجلنا من كلام الكوافيرة وبلش وجههنا يتلون ..
حيدر الله كريم يسلمو ...
طول الطريق وحيدر مبتسم ماقال شي كل الطريق وانا عيوني ع الشباك ماقلت من الخجل شي.. وصلنا لمكان خطوبة امي وقلي حيدر اسبقيني انا لاحقك فتت المكان والكل عم يطلع علي كأني انا العروسة .. سلمت على قرايب بهاء وسلمت على امي وباركت لالهن .. بعد شو اجا بهاء لعندي ..
من كنت بالخطوبة الكل كان يحكو عني ويتهامسو ما اعطيت اعتبار لأي حد ..كنت قوية ..بس بهاء شرب كتير وسكر اللي ماحسن يرفع عيونو عني وهو مقهور على خسارتو فات حيدر وعرفت حبايبي عليه كل الصبايا كانو عيونهن عليه حتى امي من شافتو روحها الخضرا انفتحت لالو بس هو ما اعطاها وجه.. وبالحفلة سكر بهاء كتير ومسك ميكرفون الدي جي وسار يقول .....
.الجزء الاخير ...
.
.بهاءمرحبا يا ضيوفي الكرام أكيد الكل اليوم مجتمع ليهنوني بخطوبة ام طليقتي .. طليقتي اللي تركتني مشان هاد اللي واقف جنبها ........
انا بوقتها كمشت حيدر لان كان بدو يضربو وقلتو كرمالي اسمعو راح يجي وقتو .. كمل بهاء كلامو ..
بهاء..اخدها مني وانا بحبها بقيت اتردد كل يوم لارجع لالها .بس هاي المرا اللي هي امها غرتني بحالها من بعد ما غرت ابي وفرقتني عن.... منى ..هاي الام اللي بالدنيا كلها ماشفت متل قسۏتها .. اليوم راح اتجوزها اڼتقاما من بنتها اللي ماعملت لالي شي غير انها انظلمت ..فكرت من اخطب امها راح عيشها پقهر لتجي تترجاني ارجع لالها ..بس انا وقعت بشړ اعمال ..متل ما امها اليوم راح توقع بشړ عملها امها اللي باعتها بأرخص ثمن ... امها اللي من جيت اترجاها ترجعلي منى قالتلي هاي مو بنتي تركتني مشان تعيش حياتها مع غيري وتاخد ميراث ابوها .. هاي الام اللي كذبت وشوهت سمعت بنتها مشان حب نفسها ..هاي الام اللي ماتركت سحرة او مشعوذين مشان ادمر حيات امي وابي كمان ... شفتكن كلكن عم تتهامسو عن شرف منى الملاك بسبب امها ..ظلمتها وحكمت عليها بالطلاق وتركتها تحت لسانكم بلا رحمة ..سامحيني منى سامحيني... . هيك ختم كلامو بهاء وهو سکړان وبيبكي لعند ما اغمى عليه ونام .. امي اللي كل عيونها شرار وحقد هربت وماعرفت مكانها وين راحت ..انا مسامحتها وهي امي وبتمنى ترجع وتكون تغيرت وعرفت غلطها .... وحيدر اللي يوميا سرنا نحكي مع بعض اللي ماتركني ولايوم اللي وجودو معي خلا الدني تحلا بوجهي .. ..بيوم
.
.انتهت
