سرفت جوز اختي كامله

قالي هي قدامها ساعتين وتفوق علشان هي واخده حقن مهدئه بس انا عندي خبر ليك مش حلو

ولما سالته ايه هو الخبر خير يارب

قالي للاسف المدام كانت حامل في التاني وسفطت.... 
انا سمعت الكلمه دي من هنا وزي ما يكون جردل ثلج نزل علي راسي

قعدت في مكاني مش عارف انطق ولا اتحرك وكل تفكيري ان سمر تفوق من اللي هي فيه علشان اعرف ايه القدمه اللي وصلتها لكده الجزء الثاني

قعدت في مكاني مش عارف انطق ولا اتحرك وكل تفكيري ان سمر تفوق من اللي هي فيه علشان اعرف ايه القدمه اللي وصلتها لكده

بعد اكتر من ساعتين لقيت الدكتور بيقولي اني حالتها اتحسنت واني ممكن ادخل اطمن عليها

ما صدقت انه قالي كده وقومت علي طول انا وهبه اختها علشان نطمن عليها واول ما شافتني كانت الدموع نازله من عنيها بسبب انها سقطت وبتلوم علي نفسها

ولما سألتها ايه اللي حصلها و وصلها لكده

لقتها بتقولي أنها شافت زي ضـن او شيطان طالع من المطبخ عباره عن حاجه اسود في اسود ونازل منه شعر مغطي كل وشه وكانت سامعه زي صوت صريح طالع من اوضه النوم ولما قامت علشان تجري اتكعبلت في ترابيزه الانتريه واغمي عليها واللي زود حالتها كده انها كانت حامل وما تعرفش طبعا

انا واختها كنا في حاله ذهول من الكلام اللي هي بتقوله

بس انا طبعا اللي جه في بالي ان ده ممكن يكون نتيجه قله النوم والمقدمات اللي كانت بتاخدها بسبب زعلها علي قوت والدها خاصه انه كان متوضي من فتره قريبه

بعدها بشويه الدكتور دخل يطمن عليها وعرفني انها الحمد الله تقدر تخرج من المستشفي بس اهم حاجه لازم راحه لمده يومين في البيت

خرجنا من المستشفي و وصلنا البيت واطمنت عليها وسبت اختها معاها ونزلت انا علشان اشوف نجار يضبط باب الشقه لانه كان انحسر

بعدها طبعا سكان العماره لما عرفوا انها رجعت البيت جم اطمنوا عليها والحمد الله حالتها اتحسنت عن الاول بكتير

بعد ما الكل مشي من البيت ما فضلش حد غير اختها علشان انا طلبت منها انها تفضل معانا اليومين دول علشان لو اختها محتاجه حاجه تجيب هالها وتخلي بالها منها دخلت انا اوضه الأطفال وقولت اسيب سمر وهبه مع بعض في اوضه النوم

وبعد حوالي ساعه كنت قايم مفزوع علي صوت تصريح سمر ولما دخلت عليها الاوضه كان مغمي عليها تاني وهبه كانت بتفوق فيها ولما فاقت وسألتها عن اللي حصلها

لقتها بتقولي انها شافت نفس اللي شافته قبل كده كان واقف قدام الباب وبيبص عليها و اول ما صرحت اختفي من قدامها بعد كده اغمي عليها

فضلت طول الليل قاعد جنبها انا واختها ومشغل قراءن في الشقه علشان تعرف تنام وقولت لما النهار يطلع انا لازم اشوف اي شيخ يجي علشان يشوفها

ولما الساعه جت ٨ الصبح كانت اختها عاوزه تنزل علشان عندها مشوار مهم وانا كمان عاوز انزل علشان اشوف شيخ وطبعا ما ينفعش ننزل احنا الاتنين ونسيبها لوحدها في البيت