روايه نهاية الرحلة كامله بقلم عمرو راشد
روايه نهاية الرحلة كامله بقلم عمرو راشد
المحتويات
= يعني ابعتلي اي عربية من عندك
لحد هنا و تنسا انك تعرفني أساسا
= رامي انا معنديش غيرك دلوقتي.. انت هتتخلى عني يعني
وانا كنت وعدتك بالجواز و هسيبك
= طب عشان العيش والملح اللي بينا
برضو لا
= طب هعزمك على حواوشي
بالجبنة
= بالجبنة
بس أنا للاسف يا شادي مش معايا غير المكنة دلوقتي
= ابعتها عادي
ماشي هبعتهالك مع الواد اللي هييجي ياخد العربية
" قفلت معاه و بصتلها لقيتها واقفة وساندة على رجل واحدة معرفش عملتها ازاي أصلا و مربعة ايدها
عرفت تتصرف ولا لا؟
= عرفت اه.. أنتي مالك عاملة كدا ليه
والله انا امرأه حرة
= طيب اتا اعرف كافيه هنا بس قدام شوية.. ايه رأيك نروح نشرب اي حاجة
لا شكرا
= هعزمك انا
شكرا
= ماشي انا هروح وخليكي هنا لوحدك
" مشيت حوالي 10 متر بالظبط ولقيت اللي بتنادي عليا
ممكن بس تاخدي معاك اصل انا هخاف اقعد هنا لوحدي
= طب امشي قدامي يلا
" فضلنا ماشيين ساكتين من غير ما حد فينا ينطق بأي كلمة لحد ما وصلنا الكافيه.. دخلنا وقعدنا وساعتها انا اللي بدأت الكلام
طب ايه.. ماهو احنا مش قاعدين في عزا
طب ما نتعرف عادي
= نتعرف
انا شادي
= وانا ملك
ايه اللي نزلك في وقت متأخر زي دا
= مفيش كنت مخنوقة شوية فقولت انزل اتمشا شوية لحد ما الطيارة توصل
انتي مستنية حد راجع من برا
= اه
قريب منك
= تقريبا.. قولي بقا انت ايه اللي نزلك من بيتك دلوقتي
بهرب من الدنيا
= وهي مالها الدنيا
= ملكش صحاب
ليا بس مبقناش نقعد
= ليه
اتشغلت في حياتي ف مبقاش عندي وقت
= امال انت بتعمل ايه في حياتك
بشتغل
= و بعدين
متابعة القراءة
