حلمت بيك
قصه حب غريبة
المحتويات
تعالي يا حلوة أشوفلك الودع!
لا شكرا.
خۏفت من شكلها جدا و حاولت أمشي من قدامها
لكنها كانت مصممة توقفني و تشدني من إيدي
شديت إيدي و جريت بسرعة
لكني وقفت في ثانية لما سمعتها بتقولي
حلمتي بيه تاني مش كدة
وقفت و سألتها و أنا مندهشة
هو مين دة
الواد الحليوة الأسمراني.
أترعبت منها في اللحظة دي و حسيت إن ملامح وشها بتتغير
إزاي عرفت!
تعالي أفسرلك الحلم تعالي..
شدتني من إيدي و قعدتني جمبها
فتحت كف إيدي و حركت صوابعها على خطوط إيدي
في مشهد كليشيه جدا زي ما بيجي في الأفلام بالظبط .
مكنتش متسولة ولا عاوزة فلوس
بالعكس كانت لابسة حلو
مع إن شكلها كانت غريب
كانت غجرية
لابسة أسود في أسود
شيك و ريحتها حلوة
كنت فكراها قاعدة في الشارع
طلع عندها محل صغير
محل أكسسوارات عادي و طرح و مكياچ
بس جواه أوضة صغيرة مقفولة ب باب خشب
قالتلي و هي حاسه بخۏفي و رجلي اللي تقلت في مكانها
تعالي ماتخافيش .
دخلت وراها كأني مسحورة
مليانه ألوان و صور و أوراق تاروت و حاجات عجيبة أول مرة أشوفها!
قعدت على الكرسي و هي لسة بتشوف خطوط إيدي
و قالت في مياصة
عجبك مش كدة
عرفتي منين
شوفته في عيونك
كنت ماشية مش على بعضك
و سرحانة قصدك إني أوقفك و كان معايا حق
طلعتي غرقانة لشوشتك !
شوفتيه إزاي دة أنا نفسي مش عارفة أشوفه.
بجد!
بجد وجداني.
بس ليا الحلاوة
اللي تطلبيه اي مبلغ تقوليه بس أشوفه بجد
مش عاوزة فلوس لما تلاقيه هاتيه و تعالي!
موافقة.
أتفقنا.
مسكت إيديك الأتنين و طلبت مني أغمض عيني
و حقيقي مش عارفة هي عملت أية لحد دلوقتي
فجأة لقيتني قدام النيل
بشرب فنجان قهوة لونه أبيض
و السما جميلة و الروچ بتاعي على الفنجان
كأني بعيش المشهد دة في الحقيقة
بس عرفت إنه دة أنا من الروچ على الفنجان
و بعد شوية شوفته
لقيته داخل الكافية!
قعد على ترابيزة قدامي
و بعد شوية بدأ ياخد باله أني مركزة معاه جدا
فبدأ يركز هو كمان
و بعدين ضحكنا لبعض!
المشهد خلص و فتحت عيني
و طلبت منها توريهوني تاني
و قالتلي هتلاقيه
على شط النيل
هتلاقي حبيبك..
كنت مشغولة بيه فعلا هي مكنتش بتكدب
بقالي شهور بحلم بنفس الشخص
مش عارفه هو مين ولا اسمه ايه
ولا ليه بحلم ليه أصلا
كان أسمراني و جميل
تقريبا من أسوان
كان شبهه بكار !
كان جماله مختلف و بجد كان زي القمر
عيونه عسلي
رموشة طويلة
بشرته سمرا
ضحكته خطفت قلبي من الحلم بس
أمال لو حصلت في الحقيقة
هيحصلي أية
المهم بعد ما سيبتها و رجعت البيت
حلمت بيه بردو
بس المرة دي صحيت
و أنا مقررة إني هروح أقعد على النيل
صحيت و لبست فستان وردي
و نزلت الدقي
كنت بدخل كافيه أطلب قهوة في فنجان
فنجان عادي مش
متابعة القراءة
