قصه حب غريبة

غير بدموعي نازلة 
كان حقيقي شكلي وحش اوي 
إزاي أحط نفسي في الموقف دة !
فين كرامتي!
لما لقاني بعيط اعتذرلي و جابولي 
مولتن كيك كادوه من الكافية عشان مزعلش..
ناس لطيفة جدا مش زيك!
روحت و أنا جوايا مقررة 
مش هستناه تاني.
كفاية لحد كدة مش هخلي شكلي وحش تاني!
و فعلا أنشغلت في الشغل و فضلت حوالي أسبوعين مروحش خالص.
بس إنهاردة 
كنت في ميتينج في الزمالك 
و لما خلصت طلعت أتمشى على النيل 
و فجأة لقيتني قدام الكافيه!
كان في خطوبة صغيرة 
حاجزين المكان 
بس لما الستاف شافني 
دخلني و جابلي ترابيزة
العريس و العروسة كانوا فرحانين جدا
كنت عماله أصورهم
وواضح ان البنت مكنش ليها أصحاب كتير.
محدش كان بيرقصها.
و بعد شويه نزلوا الجاتوه و لقيتهم جايبنلي طبق و بيقولولي ان العروسة اللي طلبت دة.
قومت من مكاني و روحت لها و قولتله شكرا و قولتلها قد أية هي جميلة.
و شكلها زي القمر.
حضنتني و كانت فرحانة جدا 
و بدأت تتعامل معايا كأني صاحبتها
طلبت مني أصورهم بموبايلي 
عشان الفوتوجرافر مجاش و هي مش عارفة تعمل ايه
قولتلها اني معايا ايفون و بصور حلو 
و فعلا بدات أصورهم.
كانوا مشغلين مزيكا خفيفة 
عشان وقت الاكل و كدة
و قبل ما أخلص تصوير 
شغلوا أكتر أغنيه أنا بحبها 
و بالصدفة هي كمان طلعت بتحبها
سيبت الموبايل و بدأنا نرقص أنا و هي في سعادة و كأننا أصحاب من ٢٠ سنة!
كنت بتمايل مع المزيكا في خفة و دلع 
مخدتش بالي إن فيه حد مركز معايا.
أنت تقول و تمشي 
وأنا أسهر منامشي 
ياللي مابتسهرشي 
ثانية يا حبيبي! 
لمحت الستاف كله بيبصلي و بيضحك
كنت برقص و مخدتش بالي
ضحكتلهم و كملت رقص مع العروسة
و أنا بلف بالفستان بتاعي 
لقيته في وشي !
قاعد قدامي بالظبط على الترابيزة 
بيشرب قهوة 
و السېجارة في ايده
قاعد مركز معايا 
كأني الوحيدة اللي في الكافية!
بعدت عيني بسرعة عنه 
عملت نفسي ماشوفتهوش
كل السيناريوهات اللي حضرتها 
عشان أقولها لما أقابله 
ضاعت من مخي 
تماما.
رغبتي في إني أعتذرله و كل الكلام اللي جوايا ضاع بمرور الأيام دي كلها.
سهرني حبيبي 
حبك يا حبيبي 
هكتب على الليالي 
أسمك يا حبيبي. 
فقدت رغبتي و ضاع أملي 
حتى الأحلام مابقيتش بحلم بيه.
و لما الاغنية خلصت
حضنت العروسة و رجعت ترابيزاتي
اعمل ايديت لصورهم
عشان ابعتلها.
كنت باكل جاتوه بالشوكولاته و بشرب قهوتي على النيل 
مركزة مع الموبايل و مش ببصله 
كانه مش موجود
مساء الخير
رفعت راسي و بصتله و مردتش 
شد كرسي و قعد قدامي.
أزيك 
حلوة الحمد لله 
حلوة أوي مش حلوة بس! 
حضرتك بتعاكس
لا دي حقيقة و بعدين اعاكس أحسن ما أضربك!
بصتله و رفعت حواجبي في أستغراب 
قالي 
أيه ضربتيني و ضربتك خلصانة!
ضحكت على طريقته الطفولية و كملت الفنجان.
شاور للستاف و طلب فنجان قهوة تاني ليه.
بصيت للستاف كانوا كلهم واقفين بيتابعوا اللي بيحصل و مركزين معانا.
آسفة لو كنت ضربتك جامد 
آسف لو كنت زعقت فيك جامد
ضحكنا و شربنا القهوة 
كنت مستنياه يسأل و فعلا بعد ثواني كان