اسكريبت تيجي نتزوج بالسر

وقف بشموخ وفي الخلفية صورة لأبوه طبق الأصل منه تثبث فعلًا اللي خلّف مماتش: -شرفتونا يا عمي وبابنا مفتوحلكم في أي وقت وهتبقوا ضيوف ونشيلكم على راسنا من فوق، بس نسب! فأنا بعتذرلكم أنا أختي غالية واللي ياخدها لازم أضمن أنه هيشيلها جوا نن عنيه لأني مش باقيلها وجوزها هيكون هو كل أهلها من بعدي والغالي نمشيله بلاد والغاوي هيمشي. أبويا هزّ راسه بتأثر -ابن راجل بصحيح يا بخت أختك بضهر وسند زيك يحبيبي، تسمحلي أحضنك؟ ابتسم وحضن أبويا وأنا سلّمت عليه ودموعي نزلت غصب عني فهو حضنّي تلقائيًا وهمسلي-الراجل مَيبكيش من قلبه غير لو حب من كل قلبه، لو عايزها حاول علشانها وإقنعني إنك اتغيرت بجد. رفعت وشي وبصيتله بصد@مة، فاتكلم كأنه أب: -أنا مش كا&سر قلوب وقادر أشوف الحب في عينيك ليها فهديك فرصة تثبتلي ده ومعاك سنة و٣ شهور وأربع أيام، ده الوقت اللي أي حد بيحتاجه علشان ينسى اللي بيحبه وأنا هديهولك تثبت حُبك بجد وإنك شاري أختي. روحي رَدت فيا ومسحت دموعي واتكلمت من وسط حشرجة صوتي: اليوم الخامس من بعد مرور سنة و٣ شهور وأربع أيام هتبقى قراية فاتحتي على أختك. الوقت بيمرّ والعدّ التنازلي بدأ وخلاص كلها 4 أيام والمهلة تخلص وهروحلها من تاني عريس رايح يخطب عروسته ويقولها إن الغاوي يمشي للغالي بلاد وأنا غاوي حُبك. -السلام عليكم.. -وعليكم السلام. -جيت آخد أمانتي اللي سيبتها عندك يا رامي. قعد على الكرسي بهَم - للأسف أمانتك مريضة ومحجوزة في المستشفى واعذرني بس رفضي المرة دي مش لسبب فيك لكن لأن أختي مش هتصلح زوجة ليك. ضحكت-يعم أي الهزار البايخ ده! دموعه نزلت ففهمت إنه مبيهزرش، ومحسيتش غير إن رجلي مش شايلاني والدنيا بتلف بيا. كان واقف جنبي وأنا ببص عليها من ورا الإزاز -هي اللي طلبت أديك المهلة دي لأنها كانت بتحبك زي ما بتحبها لكن كانت عايزاك تتغير وكل ده وهي متابعة أخبارك مني ومبسوطة بكل حاجة بتعملها لحد ما فرحتها انطفت وجالها المر$ض من ٣ شهور وهي لسة عايشة لكن على الأجهزة وحالتها بتسوء يوم عن يوم يا زين. سابني ومِشي وأنا فضلت أكلمها كأنها سمعاني: -ينفع ألمسك؟ ينفع كده تفكري إني كنت بتسلى ومش جدّ في ارتباطي بيكي؟ ورب محمد بحبك وما حبيت غيرك وما حد غيرّني إلا أنتِ، أنا لأول مرة أعيش راجل أنا كل عمري قبلك كنت يا دوب مراهق بيعيش سنه ومش شايل مسئولية لكن من وقت ما شوفتك وكل ده اتغيّر وعلاقتي بأهلي وشغلي اللي اترقيت فيه لما بدأت أشيل المسئولية، لدرجة كلهم لاحظوا التغيّر وكانوا مستنيين أمتى أتجوزك وأجيبك بيتي ويشوفوا ست بنات جيلها اللي غيّرت المراهق ده وخلتّه يتحمل مسئولية. طبطب عليا وباست كتفي: -هتخف يا حبيبي وهتطلع من المستشفى ووعد عليا لأخطبهالك وأعملك زفة من بيتها لبيتنا، ادعيلها يا زين .. ادعي ل نور تخف. الفترة اللي فاتت ومن وقت ما عرفت نور وأنا صَلحت علاقتي بربنا وبقيت بروحله وبداوم على الصلاة والتسبيح ويمكن ده كان سبب إن كل حاجة بعد كده تتصلح لأنه بقى بيني وبين ربنا عَمار، والمرة دي متترددتش أروحله. "الله أكبر ... الله أكبر"