تيجي نتزوج بالسر
اسكريبت تيجي نتزوج بالسر
-اختفت! إزاي؟
نور بصتلي وابتسمت- بسبب قطة شوفتها في الحلم كانت رافعة أيديها وبتدعيلي بالشفاء والغريب إنك كنت واقف جنبها يا زين.
دموعي نزلت وكلهم جريوا عليا من الخضة وبدأت أحكيلهم:
-القطة دي كان فيه طفل بيعذ.. بها وأنا نقذتها منه، فقام ربنا كافئني وأنقذلي اللي بحبها يا مانتَ كريم يارب، دخلت امراة النار في قطة وأنا روحي اتردتلي بسبب قطة.
رامي حضنّي ودموعه مغرقاه-عمري ما هنسى جميلك ده.
-جميل أي يا رامي! اوعى تنسى إنها هتبقى مراتي.
-لكنها أختي وبنتي وكل ما ليا قبل ما تكون مراتك.
ضحكت - على عيني ياخويا بس النهاردة بقى مش هستنى تاني وهنكتب الكتاب على آخر الأسبوع.
-أي سلق البيض ده! طب أشبع منها شوية.
-مهي معاك العمر كله من وقت ما اتولدت.
-وأنت هتاخدها باقي عمرها ياخويا.
-مهو علشان هتبقى مراتي.
-وأنا مش هشوفها كده.
-أنا بقول كفاية عليك كده يا رامي لازم نجوزك.
-متدخلنيش في تفاصيل دلوقتي وكتب كتاب بالسرعة دي مش هيحصل.
ضحكت - أهو هيبدأ يتعامل كأنه حمايا من دلوقتي.
-إذا كان عاجبك!
ضحكت وكل الموجودين ضحكوا على خناقنا-عاجبني يا غالي عاجبني.
بالفعل كتبنا الكتاب خلال الأسبوع ده وبعدها بيومين الحنة والفرح ورامي مكانش طايقني.
-يسطا سيبني أقعد مع عروستي.
-ما تقعد حد حاشك؟
-مانتَ ماشاء الله واخد مكاني في الكوشة.
-روح خدلك لفة في القاعة، سلّم على المعازيم ولا أقولك روّح شوف البوفيه، أكلهم حلو.
نور ضحكت.
زين بغيظ- اضحكي ياختي اضحكي مانتِ الكلام على مزاجك.
رامي- كلّم أختي عدل لأحسن آخدها وأروّح أنا بقولك أهو، وبصراحة أنا بتحجج يلا يا نور نروح.
زين بسرعة-لا لا وعلى أي الطيب أحسن، أنا هشوف البوفيه مهي ليلة باينة من أولها.
-اطمنلي على الديك الرومي يبوالزين شوفه استوى ولا لسة.
-والله ما حد استوى غيري.
-بتقول حاجة يابوالزين؟
-بقولك تتردلك في الفَرح يخوياا.
رامي ضحك-حبيبي.
شوية وصحابي وصلوا وعرفوا مأساتي قام صاحبي محمد حلّال المشا.. كل بتاع الشلة اتصرف وخلع رامي من جنب نور بحجة أن عربيته اتخبطت وهو راح يشوفها وأنا جربت قعدت جنبها على الكوشة.
-تيجي نتزوج بالسر؟
ضحكت- وأي كمان؟
-ونجيب بيبي صغنون؟
"يظل الرجلُ يُطارد النساء، حتى يجدُ مَن تَجعله يَراها بكل النساء"♥️
الست نور♡
