اسكريبت تيجي نتزوج بالسر

اتوضيت ووَقفت ورا الإمام وصَليت العشاء وبعد ما خلصت صلاة روحت قعدت وسندت على العمود وبدأت أقرأ قرآن ودموعي نازلة. -الدنيا حطت اختباراتها في طريقك؟ -اختبار شديد أوي يا سيدنا الشيخ أنا مش قده. طبطب عليا -متقولش كده يحبيبي كل اختبار ربنا بيحطه في طريقك فعلشان عارف إنك قده وعلشان كمان يعرّفك إنها دنيا. -يعني أي؟ -فانية يا حبيبي ومش كل اللي نتمناه هنحصل عليه. -لكنّي عايزها ورايدها من زمن ولو هي مَخفتش وجرالها حاجة همو.. ت، أنا كنت بصبر نفسي الوقت اللي فات كله وإني بتعب علشان أثبت لأخوها إني أستاهلها تيجي لما المهلة تخلص ألاقيها بتصارع المو.. ت؟ ابتسم وبدأ يقولّي كلام كان زي البلسم على قلبي: من أجمل ما قال د. سلمان العودة: "لله درُّ الحاجاتِ؛ كم قادَتنا إلى اللّٰه، وجدّدت قُلوبَنا، وأحيَت معاني العُبوديّة في أرواحِنا، وألهمَتنا حرارةَ الدُّعاء". ادعي يا حبيبي فكم من أشياء نلناها بالدعاء والتقرّب إلى الله ومتنساش، "‏حتى وإن بَدَت السماءُ بعيدةً إنّ الذي فوقَ السماءِ قريبُ فارفع يديكَ إلى الإلهِ مُناجيًا إنّ الجروح مع الدعاءِ تطيبُ" وخير الكلام كلام الله: ﴿ وَقَالَ رَبُّكُمُ ٱدۡعُونِيٓ أَسۡتَجِبۡ لَكُمۡۚ إِنَّ ٱلَّذِينَ يَسۡتَكۡبِرُونَ عَنۡ عِبَادَتِي سَيَدۡخُلُونَ جَهَنَّمَ دَاخِرِينَ ﴾ إياك تملْ من الدعاء، في الدعاء فرج يا زين. كلامه فضل يتردد في ودني وبدأت أدعيلها بالشفاء وأتصدق وأخلّي الناس تدعيلها وأروح المستشفى أطمن عليها من بعيد من غير ما تشوفني وكل يوم الدكتور يطمني ويقولي فيه تحسن هو مستغرب سرعته لكن ميعرفش إن الدعاء معجزة، لغاية ما في مرة كنت مروّح من الشغل ولقيت ولد صغير رابط قطة وخانقها وبيعذب فيها قومت جريت خدتها منه وزعقت فيه وبدأت أفكّها وأملس عليها بس كانت تعبانة لدرجة مقدرتش تتحرك فجريت دخلت على السوبرماركت اشتريت علية لبن وتونة وفتحتهم وحطيتهملها ولقيت كرتونة قومت عملتهالها شبه البيت ودخلتها فيها من البرد وبعدين خدت بعضي وروحت علشان أتفاجئ تاني يوم بمكالمة وأنا في وسط الشغل: -الحق يا زين نور، تعالى المستشفى بسرعة. محسيتش بنفسي ولا إزاي ركبت العربية وجريت على المستشفى وأنا رُكبي بتخبط وقلبي واقع من الخوف ليكون جرالها حاجة. -والله وحشتني أوي يا رامي. ابتسم وحضنها- وأنتِ يا قلب رامي وحشتيني أكتر. دخلت ولقيت نور ورامي أخوها والدكتور والممرضة وبابا وماما وكلهم متجمعين حواليها وبيضحكوا. -نور! أنتِ بخير! الدكتور اتكلم- دي معجزة من عند ربنا سبحانه وتعالى، أنا كنت مستغرب تحسنها السريع الأيام اللي فاتت بس إن ندخل عليها نلاقيها بتصلي وصحتها عال العال ولما نعمل تحاليل نلاقي آثار الكانسر اختفت فده اللي يعجز العقل عن استيعابه.