بيت الرقصة كامله

دا من 10 سنين ..
طبعا انت لو فاكر ان دي المشكلة أحب أقولك لأ لسه ..
المشكلة ان البيت نفسه اتهد من 7 سنين ..
أيوووون البيت اللي احنا بايتين فيه دا اتهد من 7 سنين طب امال احنا عايشين فين دلوقتي عايشين في الوهم .. وازاي الراجل الضلالي دا يسكننا في البيت دا وهو عارف ان فيه حوارات ..
قالي راجل مين يا معلم بقولك البيت نفسه مالوش وجود أكيد الراجل اللي أجرهولكم دا اللهم احفظنا يعني .. طب هو اسمه إيه ..
قولتله الحاج علام ..
أول ما سمع اسم الحاج علام بدأ يزغرط بقى في التليفون وقالي الحاج علام دا ماټ من 9 سنين ..
دا فيلم ړعب حرفيا واحنا عايشين فيه ..
طب والعمل قالي اقعدوا اقروا قرآن لحد الصبح قولتله واحنا ايه اللي يقعدنا هنا للصبح أصلا قالي وانت فاكر انكم هتعرفوا تخرجوا من هنا أصلا يعني العفاريت عاملة عليكم الحوار دا كله وباعتينلكم راجل مېت من تسع سنين يأجرلكم البيت وعاملين بيت أصلا مهدود بقاله سبع سنين وفي الآخر هيسيبوكو تخرجوا من هنا ..
انتو تستنوا لحد الصبح وأول ما النهار يطلع تسيبوا البلد والشغلانة دي خالص وتمشوا ..
في الوقت دا طبعا وبما إني أشجع واحد فينا احنا التلاتة كنت لازم العب دور القائد شغلت فلاش الموبايل ووقفت قدامهم وقولتلهم بصوا بقى ..
احنا اتحطينا في موقف زي الزفت اللي هيخاف دلوقتي ھيموت لازم تتجاهل كل حاجة الخۏف موجود جواك انت فانت اللي لازم تقتله مفيش حاجة اسمها عفاريت ولا بتاع كل دي تخاريف فاهمين وللا مش فاهمييين ..
وفي اللحظة دي بالظبط سمعت صوت حريمي بيقول يا لهووووووووي ووراها ااااااااااي ..
عملتها على نفسي والعيال قعدوا يتنططوا ويقولوا الرقاصة الرقاصة ..
شوية والصوت سكت ..
واحنا بدأنا نهدا وناخد نفسنا وانا قلعت بنطلوني عشان انشفه ونسمع نفس الصوت بتاع نفس الولية بتقوله حراااام علييييك يا موجررررررريم وفيه هيهيهيه في الآخر ..
واضح ان چريمة القل بتتعاد هنا كل ليلة ..
طبعا احنا التلاتة فضلنا حاضنين بعض جامد وعمالين