بيت الرقصة كامله

نترعش وفكرنا نقرأ أي قرآن بس تقريبا الړعب اللي احنا فيه أثر على إدراكنا فلقينا نفسنا بنغني يا رب العالمين بتاعة سامي يوسف ..
لحظة صمت طويلة أوي المرادي كان أي شوية هوا بيفتحوا أي شباك وللا يوقعوا كوباية من مكانها كنا احنا بنقطع الخلف فورا ..
وفضلنا على الحالة دي اكتر من ساعة حاضنين بعض ومفاصلنا متيبسة من الخۏف ومفيش أي صوت خالص في البيت الدنيا هادية تماما ..
بدأت أعصابنا ترتخي شوية بشوية لحد ما فعلا كنا ابتدينا ننام ..
ونسمع صوت نفس الولية بتصرخ وبتقول ما تحترم نفسك بقى يا ابو أيمن .. هيهيهيهيه ..
وهنا بقى احنا طلعنا نجري من البيت وكان فيه شوية كلاب كدا من اللي بيتسنكحوا في الشوارع بالليل لقونا بنجري قالوا يعملوا أي منظر وبدأوا يجروا ورانا .. قال يعني هي كانت ناقصة ړعب ..
بعد ما اتقطع نفسنا من الجري افتكرت اني معايه رقم الحاج علام اللي أجرلنا البيت قلت انا هكلمه افهم منه ايه الحكاية ..
الاتنين اللي معايه قالولي اوعى تعمل كدا هتكلم عف ريت في التليفون قولتلهم ايه المشكلة يعني هيڤيرسلي التليفون هي جت عليه وبالنسبة للقيلة اللي بتفعل الذكريات مع ابو أيمن هناك دي كان عادي 
اتصلت بالراجل كان نايم رنة في التانية صحي قولتله ايه بقى الحكاية انت مين وللا انت إيه وللا انت فين والحب فين 
قالي يا ابني مالك بس ..
قولتله انت أجرتلنا بيت الرقاصة يا حاج علام 
قالي انت عرفت الحكاية دي منين ..
قولتله مش مشكلة عرفت منين دلوقتي انت أجرتلنا بيت الرقاصة ..
قام قالي يا ابني بيت الرقاصة اتهد من زمان دا بيتنا القديم والدور الأرضي محدش قاعد فيه من ساعة ما ابويا الحاج علام ماټ الله يرحمه ..
قولتله أمال انت اسمك ايه قالي اسمي علام برضو ..
قولتله وأبوك بيسميك على اسمه ليه هو فاكر نفسه اسمه لؤي ..
المهم انا خدت بالي وهو بيتكلم قال الدور الأرضي محدش قاعد فيه قولتله هو فيه دور تاني ..
قالي أيوه فيه دور
تاني بس السلم بتاعه في ضهر البيت من ورا ..
قلتله حد ساكن في الدور التاني دا 
قالي اخويا الكبير أبو أيمن 
قولتله روح يا شيخ ربنا ينتقم منك انت وابو أيمن وام أيمن وأيمن نفسه ..