قصه كامله
قصه المقهورة كامله جميع الفصول
المحتويات
فريد مستغرب من الأسماء دي مش عارف ايه المحاضرة دي
انت زودتها أوي يا هشام وانا مش هسمح لك تغلط أكتر من كده.
ولا تسمح لي ولا ما تسمحليش أنا عارف مقهورة على العصابة دي وأنا مش فاضي لك علشان أقسم بالله أعصابي بايظة وعايز أركز مع أمي .. ياريت تمشي من غير مطرود.
فريد بيحاول يدفع هشام ويدخل جوة المستشفى مندفع
ابعد من طريقي هو انت هتمنعني من أمي.
قلت لك ملكش أمهات هنا .. وأقسم بالله ممكن أقتلك دلوقتي حالا .. امشي يلااااا..
أفراد أمن المستشفى بيجروا بسرعة يمسكوا هشام قبل ما يتهور وأصحاب هشام بيمسكوا فريد وبيسحبوه بالقوة بعيد عن المكان خايفين من رد فعل صديقهم هشام اللي ممكن يرتكب چريمة بسبب الڠضب
أصحاب هشام أخدوا فريد بعيد خالص وبدأوا يقنعوه انه يمشي
حاول تمشي يا أستاذ فريد لأن هشام زعلان أوي على أمه وممكن يرتكب جناية.
واحد تاني بيتدخل
مش بېهدد سيادتك يا فريد بيه ولا حاجة بس منعا للمشاكل.
ده ولد قليل الأدب وأنا هعرف شغلي معاه.
ماشي حضرتك اعرف شغلك معاه بعدين مش دلوقتي أرجوك.
فريد لاحظ أن صاحب هشام ماسك دراعه بشكل مش كويس
ارفع ايدك لأقطعهالك انت مكتف إيديا كده ليه.
يا عم روح بلا تقطعها لي بلا تكسرهالي .. أومال لو مكانتش ديل الست مراتك.
أنا مش هضربك احتراما لهشام .. بس يكون في علمك .. قليل الأدب ده مش أنا ... دي مراتك اللي تطاولت على أمك وطردتها من بيتك.
فريد هيتجنن .. ازاي ده يعرف الحكاية دي ميعرفش ان هشام حكى لهم ع القهوة قبل ما يسمع إن أمه في المستشفى
انت عرفت ازاي
الولد بيدفع فريد بإيده كأنه بيطرده
يا عم روح .. هو ده اللي يهمك .. عرفت ازاي.
هشام واقف مع اخواته البنات بيحاول يطمنهم على أمهم مع إنه محتاج اللي يطمنه .. لدرجة إنه بيكدب عليهم.
اطمني يا سهيلة ماما كويسة .. هي بس تعبت من الصدمة مش أكتر.
إيمان بدأت تلطم من الأحساس بالذنب
لا يا إيمان .. متقوليش كده .. هي كان حصل لها موقف مع الحيوان اللي كان هنا ده هو اللي تعبها .. بس هي كويسة.
انت كلمتها يا هشام.
طبعا .. الدكتور زين خلاني أدخل عندها واتكلمنا وقالت لي خلي اخواتك البنات يرجعوا البيت متخليهومش يتبهدلوا كده.
بس أنا مش همشي يا هشام.
وانا يا هشام .. مش همشي واسيب ماما.
هشام بيحاول يكتم ألمه علشان يقنع اخواته يرجعوا البيت
علشان خاطري ياريت نسمع كلامها مرة من نفسنا أنا هخلي خالد يروح معاكم وترتاحوا شوية بدل الوقفة دي وانا هفضل جنبها واهو معايا خمس شباب زي الورد مش هيسيبوني لحظة .. ومعانا الدكتور زين جوة هيخلي عينه على ماما لحد الصبح.
البنات مش عايزين يمشوا ويسيبوا أمهم وأقنعهم بصعوبة وأقنع خالد يرجع معاهم علشان ياخد باله منهم
الكل مشي وهشام وأصحابه فضلوا عند المستشفى وحكوله ع اللي حصل واللي عملوه
الدكتور زين خرج ونادى على هشام وقال له إن أمه كانت داخلة على جلطة في المخ والدكاترة لحقوها بالإسعافات اللي عملوها وبالكتير بكرة الصبح هتكون كويسة..
هشام كان فرحان لأن الحالة اللي شافها كانت تنبيء بحالة خطېرة.
متأكد يا دكتور زين يعني مفيش حاجة كده ولا كده
أنا تأكدت من كل اللي شافوها اتعمل لها رسم قلب وأشعة ع المخ وتحليل ډم واتضح انها بداية الجلطة دي وأخدت حقن سيولة واتلحقت الحمد لله .. بس ياريت تريحوها علشان شكلها كده عايشة في مولد مليان مشاكل.
هشام مستغرب
وانت عرفت ازاي يا دكتور زين
أنا عندي نظرة ثاقبة للمريض اللي بيكون غايب عن الوعي بعرف من ملاحه إن كان بيضغط على أعصابه في حياته أو بيعاني من مشاكل أو مقهور أو مهموم أو حتى مرتاح البال ... ممكن تكون فراسة عندي وأمك بصراحة باين عليها الغلب .. القهر ..
مش هكدب عليك يا صاحبي .. هو كده فعلا..
فريد رجع البيت وكان في قمة الثورة والڠضب واقتحم البيت اقټحام كأنه لص وعايز ېتهجم على أصحابه
ووقف ېصرخ في وش دنيا وأهلها كانت واقفة الڼصابة نهاد محمد والنصاب محمد السبكي والحرامي محمد رجب حتى جويرية الصغير اللي هي بنوتة حرامية وكانت واقفة بينهم..
وبدأ يزعق فيهم..
انتوا ډمرتوني خربتوا بيتي خليتوا أمي تكرهني واخواتي يقاطعوني وأمي بين الحياة والمۏت في المستشفى بسببكم.
مالك يا فريد يا ابني حصل ايه بتقول كل ده ليه
عايشين في خيري ليكم سنة ونص النهاردة واخر المتمة تيجي أمي لحد هنا علشان تشوفني وبنت حضرتك وأمها يتآمروا عليها ويطردوها ويخلوها تسمع كلام صعب ويقولولها لو ابنك كان عايزك كان راح لك لحد عندك .. ينفع كده.
فريد حتى في عتابه مش راجل مش شديد مش صلب تحس انه بيتكلم عادي
دنيا بتبص على أمها وأبوها واخواتها
سيد داود المطعني سيد داود المطعني
هتسيبوا يطيح فيكم كده.
انتي تخرسي خالص حسابك معايا عسير بس أعرف الأول ايه علاقتكم بالھمجي رد السجون ده اللي اسمه محمد الجيار
أبو مراته ارتبك وبيبص على ولاده حواليه واتفاجيء بكلام فريد
محمد الجيار الجيار مين ده يا ابني
انت هتعمل نفسك مش عارفه
مقصدش يا ابني .. أقصد ان اللي اسمهم كده كتير في المنطقة..
لا كتير ولا حاجة ... هما اتنين اللي اسمهم الجيار واحد فيهم لسة خارج من السچن من شهرين والتاني راجل كبير دراعه مقطوع من يوم ما حاول يخطف شنطة من الست في القطر بعد ما اتحرك والست شدت ايده راح وقع ع الرصيف والقطر قطع دراعه ... يا ريت اعرف ايه علاقتك بيه.
طيب انت مين اللي قالك اني على علاقة بيه اصلا.
أهو عرفت وخلاص .. وعرفت ان مراتك الست نهاد هانم على علاقة كمان بالولية اللي اسمها رقية الجعفري الدجالة اللي بتعمل سحر أسود..
نهاد بتتخض من الكلمة ومش عارفة تاخد نفسها في الكلام
روق روق رقية مين يا ابني وسحر ايه
انتي هتعملي نفسك مش عارفاها دي مصر كلها تعرفها من يوم ما المباحث اقټحمت الوكر بتاعها وقبضت كل أعمال السحر اللي هي بتعملها للناس..
فريد بيبص عليهم وكان
متابعة القراءة
