رواية / هتحدي الظروف بقلم / فاطمة عيد
رواية هتحدي الظروف الفصل الخامس عشر ولاخير بقلم / فاطمة عيد
المحتويات
رواية / هتحدي الظروف
بقلم / فاطمة عيد
ارجو تقييم الرواية ف اخر الحلقات 👇👇
🔴🔴🔴🔴🔴🔴🔴🔴🔴🔴🔴🔴🔵
الحلقة 15 - قبل الاخيرة
( روح تاخد بالها من لبسها وافتكرت كلامه من دقايق .. تبصله وتسكت .. يسيبها زين ويروح يفتح الباب .. يفتح يلاقى راجل واقف قدام الباب وشكله وهيئته غير مؤلوفين تماما عليه )
زين : مين حضرتك !
زين : عليم السلام
..... : انى منتصر .. جاى عاوز اشوف بنت وامشي
زين باستغراب : مش فاهم يعنى .. انت عايز ايه بالظبط ؟!!!
منتصر : ف بنت ساكنه هنا اسمها روح .. وتقريبا هى ف الدور التالت .. ف هى ف الشقه هنا ولا اللى قصادها
زين : وانت عاوزها ف ايه ؟
منتصر : موضوع شخصي
زين : اممممم .. طب هى عموما ساكنه هنا .. ممكن اعرف مين حضرتك بقي !؟
زين : طيب ثوانى
( يرد الباب ويدخل زين يلاقى روح قاعده ع السرير )
زين : ف واحد بره شكله غريب وعاوزك وبيقول الموضوع شخصي .. تعرفى حد اسمه منتصر ؟؟؟؟
روح باستغراب : لا اول مره اسمع الاسم دا
زين : طيب قومى البسي وتعالى لما نشوف اخرتها
روح : طب ما تشوفه انت .. هو انا لازم اخرج يعنى !
روح : طب...........
يقاطعها زين بصوت عالى : يا بنتى اخلصي خلينا نشوف عاوز ايه ونخلص .. انا مش فايق للكلام دا
روح : حاضر .. اهدى طيب
( يتنهد بنرفزه ويخرج )
زين : ثوانى وجايه
منتصر : ماشي
( تغير روح هدومها وتلبس عبايه وطرحه .. تخلص وتخرجلهم .. تبص لمنتصر باستغراب )
منتصر : طب اتفضل انت من هنا .. الموضوع خاص جدا مينفعش حد غيرنا يسمعه
زين بنفاذ صبر : لا معلش لو عاوز تتكلم ف اتفضل وانا موجود .. مش هتتكلم يبقي اتفضل برضو ومتزعجناش تانى
منتصر : مين انت الاول !!!!
زين : جوزها
منتصر بابتسامه : هى متجوزه ! .. يا مرحب بيك
منتصر بحرج : طب هنتكلمو ع الباب اكده
زين : اتفضل
( يوسعله من قدام الباب .. يدخل منتصر ويقعد ع الكنبه اللى جنب الباب .. زين وروح يقعدوا قصاده ويبصوله مستنينه يتكلم )
منتصر : انتى اسمك روح مش اكده ؟
روح : ايوه
منتصر : انا عاوزك تهدى وتفكرى بالعقل قبل ما تقولى اى حاجه .. الموضوع كبير ولازم تفكرى
منتصر : اعذرنى الموضوع صعب شويه ومش عارف ارتب الكلام
زين : اتكلم عادى من غير ما ترتب حاجه .. بس ياريت نعرف الحكايه عشان الموضوع ابتدى يبقي مريب .. معلش اعذرنا .. انت راجل غريب اول مره نشوفه وقاعد ف بيتى وعاوز مراتى ف موضوع شخصي .. اتمنى تاخد بالك من حساسيه موقفى وتقول اللى عندك
منتصر : طيب اتمنى متستخفوش بكلامى وتفهمونى قبل ما تحكموا
زين : تمام
منتصر : الحقيقه وما فيها ان البنت دى اختى
( روح تبص لزين باستغراب ومش فاهمه هو الراجل دا بيقول ايه او اخوها ازاى اصلا )
زين : انت جاى تهزر صح !
منتصر : لا .. هى فعلا اختى ومعايا ما يثبت كلامى
( يطلعلوا منتصر صور لروح وهى صغيره وصور من شهاده الميلاد .. يبص زين للصور بتفحص وروح كمان اللى كانت مصډومه من صورتها لانها فعلا هى وهى صغيره .. زين يرمى الصور والورق ع التربيزه ويبصله )
متابعة القراءة
