رواية / هتحدي الظروف بقلم / فاطمة عيد
رواية هتحدي الظروف الفصل الخامس عشر ولاخير بقلم / فاطمة عيد
سوزى : انتى اسمك ايه ؟! .. او عندك كام سنه !! .. شكلك مألوف عليا جامد
فاطمه باستغراب : مألوف ازاى يعنى !! انا اول مره اشوفك
سوزى هتجنن : والصوت كمان مش غريب عليا .. اللهجه دى .. اكيد مش بشبهه لا
( يفضلوا يبصوا لبعض ومعاذ قرب عشان يبعد سوزى .. اللى وقفت مره واحده كأنها بتفتكر حاجه .. لقطات بتعدى قدام عينها .. صور كتير ووشوش وايام كتير موجعه ابدت تتعاد ف خيالها .. كلهم استغربوا دموعها اللى بتنزل وسرحانها التام اللى مش عارفين يفوقها منه .. سوزى تنهيداتها عليت جامد وهى بتبص لفاطمه اللى مش مصدقه نفسها انها شافتها )
( سوزى بدون اى مقدمات تنقض ع فاطمه وتمسكها من بلوزتها .. يتخضوا كلهم ويقربوا يحاولوا يحوشوا بس سوزى ماسكها جامد )
سوزى بعياط وزعيق : همااااا فين !!!!! .. وديتهم فين ؟؟؟؟؟ خدتوهم منى لييييييبه ؟؟؟
( فاطمه تبصلها باستغراب ومش فاهمه هى بتقول ايه .. منتصر يحاول يبعدها تزقه سوزى وتمسك فاطمه تانى )
سوزى بزعيق وعياط متواصل : عيالى فييييين !!! .. روفان ومازن فيييين ؟؟؟؟؟؟؟ .. ردى علياااااا
سوزى بصوت عالى وعياط : ايوه سوزان اللى خطفـتوا عيالها وهربتو بيهم .. سوزان اللى ضيعت عمرها كله ع راجل ميستاهلش .. اتجوز عليا وسكت وف الاخر ياخدك بعيالى ويهرب ويطلقنى غيابى .. سوزان عميده كليه
سوزان اللى بتتقهر كل ليله مليون مره .. اللى ضيعت حياتها وبقت سلعه للرجاله .. عملت حاجات كتير مش تمام عشان فعلا احس انى مش تمام واخترع سبب منطقى للى عملتوه .. خليتونى شيء منبوذ ومجرد اله لاسعاد اللى زيكو .. خليتونى ارتكب ف حق نفسي كتير عشان يبرد قلبي اللى انتو تعبتوه .. خلتونى الف زى المجنونه ف الشارع عشان اشوف عيالى ومهمكوش .. هربتو وسيبتونى رغم انى عمرى ما عملت حاجه ليكو .. عمرى ما اذيتك يا فاطمه عمرى حتى بعد ما بقيتى زوجه تانيه محاولتش أأذيكى او اضايقك وفوضت امرى لربنا وقولت اربى عيالى .. عشت عشانهم ومطلقتش برضو عشانهم .. حاربت اهلى ومبعدتش عن عبدالله عشان افضل جنب عيالى لان لو اطلقت كان هياخدهم منى .. وف الاخر تحرمونى منهم .. اصحى تانى يوم الاقى ورقه طلاقى وعيالى مش موجودين .. خدتهم منى بضمير بارد .. حړام عليكو دا اليوم كان بيعدى عليا بسنه .. 15 سنه وانا بدپح كل يوم وافتكرهم .. مع كل حاجه كنت بعملها تلهينى كانت بتوجعنى اكتر .. سكرت عشان انسى وبرضو منستش .. مبقتش اقعد ف البيت وعرفت بدل الراجل عشره عشان احس بالقذاره اللى انا فيها واتوجع من رخصي بس متوجعتش .. الجـ،ـرح اللى سببتهولى كان اكبر من اى حاجه عملتها .. 15 سنه وجرحى لسه تاعبني وانتو بتتمتعوا بفلوسي وعيالى .. ( تقرب وتشدها جامد لدرجه انها كانت هتقع ) .. والله لو ما قولتى عيالى فين لأذيك دلوقتى .. ( تزعق جامد ) .. ردى عليا
